គៀនយ៉ាង, វៀតណាម (ថ្ងៃទី ២ មករា ឆ្នាំ ២០២០) -- បន្ទាប់ពីការបើកដំណើរការដោយជោគជ័យនៃកម្មវិធីបោះជំរុំកុមារ Planet Trekkers Kids Camp លើកដំបូងកាលពីនារដូវក្តៅមុន ឥឡូវនេះ InterContinental Phu Quoc Long Beach Resort បើកដំណើរការកម្មវិធីនេះឡើងវិញចាប់ពីថ្ងៃទី ៨-៣១ ខែមករា ឆ្នាំ ២០២០ ដោយផ្តល់ជូននូវបទពិសោធន៍ដ៏រីករាយ និងពោរពេញដោយការអប់រំសម្រាប់កុមារដែលមានអាយុចាប់ពី ៥ ដល់ ១២ ឆ្នាំ ចំពេលបុណ្យចូលឆ្នាំថ្មីប្រពៃណីចិនតែម្តង។

ខែមករា គឺជាពេលវេលាដ៏ល្អបំផុតដើម្បីគេចចេញទៅសម្រាកលម្ហែកាយក្នុងបរិយាកាសតំបន់ត្រូពិកដ៏ស្រស់ស្អាតនៃកោះភូគុក (Phu Quoc) ហើយ InterContinental Phu Quoc Long Beach Resort កំពុងផ្តល់ជូននូវកញ្ចប់សេវាកម្ម Family Fun រួមបញ្ចូលទាំងការដឹកជញ្ជូនទៅមកព្រលានយន្តហោះ, អាហារថ្ងៃត្រង់លក្ខណៈគ្រួសារមួយពេលនៅភោជនីយដ្ឋាន Sora & Umi, សកម្មភាពពេញមួយថ្ងៃនៅកម្មវិធីបោះជំរុំកុមារ Planet Trekkers Kids Camp សម្រាប់កុមារម្នាក់, ការបញ្ចុះតម្លៃ ២០% នៅស្ប៉ាសម្រាប់អាណាព្យាបាល និងការចូលលេងជារៀងរាល់ថ្ងៃនៅក្លឹបកុមារដែលមានការត្រួតពិនិត្យយ៉ាងដិតដល់ និងអាងហែលទឹកគ្រួសារ Splash!។

ដឹកនាំដោយក្រុមអ្នកជំនាញផ្នែកសកម្មភាព កម្មវិធីបោះជំរុំកុមារ Planet Trekkers Kids Camp ប្រើប្រាស់អត្ថប្រយោជន៍នៃអាងហែលទឹក សួនច្បារត្រូពិក ឆ្នេរខ្សាច់ស និងក្លឹបកុមាររបស់រីសត ដើម្បីឱ្យទេវតាតូចៗរបស់អ្នករីករាយនឹងថ្ងៃដ៏រំភើបជាមួយហ្គេមកំសាន្ត សកម្មភាពអប់រំ និងសិល្បៈសិប្បកម្មច្នៃប្រឌិត។

កុមារក៏អាចចូលរួមក្នុងថ្នាក់រៀនធ្វើម្ហូប ការលេងល្បែងស្វែងរកកំណប់ ការប្រកួតបង្ហោះខ្លែង ថ្នាក់រៀនហែលទឹក និងសកម្មភាពរីករាយផ្សេងៗទៀត ដែលពួកគេអាចបង្កើតមិត្តភក្តិថ្មីៗ រៀនជំនាញគួរឱ្យចាប់អារម្មណ៍ ឬចំណេះដឹងមានប្រយោជន៍ដែលពួកគេអាចយកទៅផ្ទះវិញបាន។ 

ខណៈពេលដែលកូនៗរបស់អ្នកកំពុងសប្បាយរីករាយនៅកម្មវិធីបោះជំរុំកុមារ វាក៏សំខាន់ផងដែរសម្រាប់ឪពុកម្តាយក្នុងការសម្រាកលម្ហែកាយ និងរីករាយនឹងវិស្សមកាល។ ការព្យាបាលដ៏ប្រណីតសម្រាប់គូស្នេហ៍កំពុងរង់ចាំអ្នកនៅ HARNN Heritage Spa ដែលជាស្ប៉ាទទួលបានពានរង្វាន់លំដាប់ពិភពលោក និងអណ្តែតនៅលើបឹងឈូកដ៏ស្ងប់ស្ងាត់របស់រីសត។

ចាប់ពីគ្រឿងសមុទ្រស្រស់ៗលំដាប់កំពូលប្រចាំតំបន់ដាក់លើថាស រហូតដល់សាច់គោនាំចូលដ៏ល្អបំផុត បទពិសោធន៍ម្ហូបអាហារដ៏ឆ្ងាញ់ពិសាកំពុងរង់ចាំអ្នកនៅភោជនីយដ្ឋាន និងបារលំដាប់ច្នៃប្រឌិតទាំងប្រាំមួយរបស់ InterContinental Phu Quoc Long Beach Resort។

ឱកាសបុណ្យចូលឆ្នាំថ្មីប្រពៃណីចិននេះ សូមគេចចេញទៅកាន់ឋានសួគ៌នៅលើកោះសម្រាប់ពេលវេលាដ៏មានតម្លៃជាមួយគ្រួសារ និងស្វែងរកជម្រកដ៏ប្រណីតដែលកំពុងរង់ចាំអ្នកនៅ InterContinental Phu Quoc Long Beach Resort។

សម្រាប់ព័ត៌មានបន្ថែមអំពីកញ្ចប់សេវាកម្ម Family Fun និងកម្មវិធីបោះជំរុំកុមារ Planet Trekkers Kids Camp សូមចូលទៅកាន់ គេហទំព័រផ្លូវការរបស់ InterContinental Phu Quoc។

###

ទំនាក់ទំនងសារព័ត៌មាន៖
William George
នាយកផ្នែកទីផ្សារ និងទំនាក់ទំនង
InterContinental Phu Quoc Long Beach Resort
Tel: +84 91 929 0713
Email: william.george@ihg.com

Anne-Lise Berthon
ប្រធានគ្រប់គ្រងជាន់ខ្ពស់ផ្នែកទំនាក់ទំនងខាងក្រៅ
InterContinental Hotels Group (IHG)
Tel: +65 6395 6147
Email: annelise.berthon@ihg.com

អំពី InterContinental® Phu Quoc Long Beach Resort៖
InterContinental® Phu Quoc Long Beach Resort មានទីតាំងនៅលើកោះភូគុក (Phu Quoc) ដែលជាកោះធំបំផុតនៅក្នុងប្រទេសវៀតណាម ស្ថិតនៅឆ្នេរភាគនិរតីនៃខេត្តគៀនយ៉ាង (Kien Giang)។ លាតសន្ធឹងប្រវែងជាង ២០ គីឡូម៉ែត្រ ឆ្នេរ Long Beach ត្រូវបានហ៊ុមព័ទ្ធដោយទឹកសមុទ្រពណ៌ខៀវស្រងាត់ ជាមួយឆ្នេរខ្សាច់ស និងទិដ្ឋភាពថ្ងៃលិចដ៏ស្រស់ត្រកាលលើផ្ទៃមហាសមុទ្រ។ InterContinental Phu Quoc មានទីតាំងនៅជិតចុងបំផុតនៃឆ្នេរ Long Beach ជាមួយនឹងឆ្នេរឯកជនដ៏ស្ងប់ស្ងាត់សម្រាប់តែភ្ញៀវរបស់រីសតប៉ុណ្ណោះ។
 

---