ហាណូយ វៀតណាម (៥ កុម្ភៈ ២០២០) — ក្រុមប្រឹក្សាភិបាលទេសចរណ៍ជាតិវៀតណាមនៅថ្ងៃនេះបានបញ្ចេញវីដេអូមួយដែលបង្ហាញពី លោក Greg Norman សមាជិកសាលកិត្តិយសវាយកូនហ្គោលពិភពលោកជាតិអូស្ត្រាលី និងជាទូតទេសចរណ៍វៀតណាម កំពុងរីករាយនឹងការទស្សនាទេសភាពសង្កាត់ចាស់របស់ទីក្រុងហាណូយ តាមរយៈដំណើរកម្សាន្តជិះស៊ីក្លូ។ 
 
លោក Norman ត្រូវបានគេឃើញជិះស៊ីក្លូ (ឬ xich lo) — ដែលត្រូវបានប្រើប្រាស់ជាមធ្យោបាយធ្វើដំណើរចម្បងរបស់ទីក្រុងហាណូយកាលពីអតីតកាល — កាត់តាមដងផ្លូវទាំង ៣៦ នៃសង្កាត់ចាស់ និងជុំវិញបឹង Hoan Kiem។ លោក Norman ត្រូវបានអមដំណើរដោយលោក Linh Nguyen មកពី Mr. Linh’s Adventures ដែលបាននាំវីរបុរសវាយកូនហ្គោលរូបនេះទៅពិសាកាហ្វេនៅក្បែរព្រះវិហារ St. Joseph’s Cathedral និងទៅកាន់វត្តអារាមលាក់ខ្លួនមួយដែលមានអាយុកាលតាំងពីសតវត្សរ៍ទី ១០។
 
ក្នុងអំឡុងពេលដំណើរកម្សាន្ត លោក Norman និងលោក Nguyen បានពិភាក្សាគ្នាអំពីវប្បធម៌កាហ្វេរបស់វៀតណាម ប្រវត្តិសាស្ត្រនៃសង្កាត់ចាស់ និងទំនៀមទម្លាប់សាសនារបស់វៀតណាម។ លោក Norman ក៏ត្រូវបានលោក Nguyen បបួលប្រណាំងស៊ីក្លូផងដែរ។ នៅក្នុងវីដេអូ គេឃើញបុរសទាំងពីរនាក់កំពុងធាក់ស៊ីក្លូជូនអ្នកធាក់របស់ពួកគេក្នុងល្បឿនយ៉ាងលឿននៅជុំវិញសួនច្បារ Ly Thai To។ 
 

លោក Greg Norman ត្រូវបានតែងតាំងជាទូតទេសចរណ៍ប្រចាំប្រទេសវៀតណាមដោយរដ្ឋបាលទេសចរណ៍ជាតិវៀតណាម (VNAT) ក្នុងឆ្នាំ ២០១៨។ ម្ចាស់រហស្សនាម “Great White Shark” ដែលល្បីល្បាញជាអន្តរជាតិរូបនេះ បានឈ្នះការប្រកួតជាង ៩០ លើកទូទាំងពិភពលោក រួមទាំងពានរង្វាន់ Open Championships ចំនួនពីរលើក និងរក្សាកំណត់ត្រាការពារតំណែងលេខ ១ របស់ខ្លួននៅក្នុងចំណាត់ថ្នាក់វាយកូនហ្គោលពិភពលោករយៈពេល ៣៣១ សប្តាហ៍។ 

លោក Greg Norman បានដើរតួយ៉ាងសំខាន់ក្នុងការរៀបចំផលិតផលវាយកូនហ្គោលបច្ចុប្បន្នរបស់វៀតណាមតាមរយៈក្រុមហ៊ុនរបស់លោកគឺ Greg Norman Golf Course Design ដោយដើរតួជាទីប្រឹក្សាដើម្បីបង្កើត និងលើកកម្ពស់ការអនុវត្តការអភិវឌ្ឍន៍ និងទេសចរណ៍វាយកូនហ្គោលប្រកបដោយចីរភាពនៅក្នុងប្រទេស។ 

រដ្ឋធានីដែលមានអាយុកាល ១០០០ ឆ្នាំរបស់ប្រទេសវៀតណាមកំពុងរៀបចំធ្វើជាម្ចាស់ផ្ទះនៃការប្រកួត F1 Grand Prix ជាលើកដំបូងបង្អស់របស់ខ្លួននៅក្នុងខែមេសា ឆ្នាំ ២០២០។ តំបន់ទាក់ទាញវប្បធម៌ និងបេតិកភណ្ឌដ៏សំបូរបែបរបស់ទីក្រុង ដូចជា សង្កាត់ចាស់ វិហារអក្សរសាស្ត្រ (Temple of Literature) និងបន្ទាយ Thang Long នឹងផ្តល់ជាទិដ្ឋភាពដ៏អស្ចារ្យសម្រាប់ការប្រណាំងនេះ។

សម្រាប់ព័ត៌មានបន្ថែមអំពីការធ្វើដំណើរក្នុងប្រទេសវៀតណាម សូមចូលទៅកាន់៖ www.vietnam.travel
 
អំពី TAB

ក្រុមប្រឹក្សាភិបាលពិគ្រោះយោបល់ទេសចរណ៍ (TAB) ត្រូវបានតំណាងដោយភាគីពាក់ព័ន្ធទេសចរណ៍ឈានមុខគេរបស់វៀតណាម ហើយបានចាប់ដៃគូរវាងរដ្ឋ និងឯកជនជាមួយរដ្ឋបាលទេសចរណ៍ជាតិវៀតណាម (VNAT)។ TAB រួមមានតំណាងមកពីបណ្តាអ្នកដឹកនាំឧស្សាហកម្មយ៉ាងទូលំទូលាយនៅក្នុងវិស័យធ្វើដំណើរ និងទេសចរណ៍របស់វៀតណាម។ បេសកកម្មរបស់ TAB គឺដើម្បីបង្កើនផលប្រយោជន៍ប្រកួតប្រជែងរបស់វៀតណាមជាគោលដៅទេសចរណ៍ និងការធ្វើដំណើរប្រកបដោយចីរភាព ដោយទាញយកប្រយោជន៍ពីធនធានសាធារណៈ និងឯកជនរបស់ប្រទេស ដូចនេះបង្កើតបានជាយុទ្ធសាស្ត្រឧស្សាហកម្មដ៏ទូលំទូលាយ និងស្អិតរមួត។ TAB សូមថ្លែងអំណរគុណយ៉ាងជ្រាលជ្រៅចំពោះអ្នកឧបត្ថម្ភរបស់ខ្លួន៖ Asia DMC, Muong Thanh Group, Saigontourist Holding Company, Sun Group, Thien Minh Group, BIM Land, Vietnam Airlines និង VinGroup -- ដែលពួកគេម្នាក់ៗបានចូលរួមចំណែកក្នុងមូលនិធិគ្រប់គ្រងដោយឯកជនដែលឧទ្ទិសដល់ការលើកកម្ពស់ទេសចរណ៍នៅក្នុងប្រទេសវៀតណាម។
 
អំពី Greg Norman

អាចនិយាយបានថាជាអត្តពលិកដែលប្រែក្លាយខ្លួនជាអ្នកជំនួញទទួលបានជោគជ័យបំផុតនៅលើពិភពលោក លោក Greg Norman ត្រូវបានគេស្គាល់យ៉ាងច្បាស់តាមរយៈស្មារតីសហគ្រិនភាពនៅក្នុងបន្ទប់ប្រជុំ ក៏ដូចជាភាពលេចធ្លោរបស់លោកនៅលើទីលានវាយកូនហ្គោល។ ម្ចាស់រហស្សនាម “Great White Shark” ដែលល្បីល្បាញជាអន្តរជាតិរូបនេះ បានឈ្នះការប្រកួតជាង ៩០ លើកទូទាំងពិភពលោក រួមទាំងពានរង្វាន់ Open Championships ចំនួនពីរលើក និងរក្សាកំណត់ត្រាការពារតំណែងលេខ ១ របស់ខ្លួននៅក្នុងចំណាត់ថ្នាក់វាយកូនហ្គោលពិភពលោករយៈពេល ៣៣១ សប្តាហ៍ ដែលជារយៈពេលយូរបំផុតលំដាប់ទីពីរនៅក្នុងប្រវត្តិសាស្ត្រ។

បច្ចុប្បន្ននេះ លោក Greg Norman ធ្វើការងារលើសពីវិស័យកីឡាវាយកូនហ្គោលទៅទៀត ដោយមានក្រុមហ៊ុនជាងដប់នៅជុំវិញពិភពលោកដែលផ្ទុកឈ្មោះរបស់លោក និងរូបសញ្ញាឆ្លាមដ៏ល្បីល្បាញដែលជាផ្នែកមួយនៃក្រុមហ៊ុន Greg Norman Company ដែលលោកដឹកនាំជាប្រធាន និងជានាយកប្រតិបត្តិ (CEO)។ ម៉ាកយីហោដែលត្រូវបានទទួលស្គាល់ជាអន្តរជាតិរបស់លោកមានការរចនាទីលានវាយកូនហ្គោលជាង ១០០ កន្លែងនៅទូទាំងទ្វីបទាំងប្រាំមួយ ការប្រមូលផ្តុំអចលនទ្រព្យសកល ស្រាដែលឈ្នះពានរង្វាន់ សម្លៀកបំពាក់បែបវាយកូនហ្គោល និងផ្នែកវិនិយោគចម្រុះ។

សម្រាប់ព័ត៌មានបន្ថែម៖ www.shark.com