ហាយហ្វុង ប្រទេសវៀតណាម (ថ្ងៃទី ២៧ ខែមេសា ឆ្នាំ ២០២០) -- នៅវេលាម៉ោង ១ រសៀល ថ្ងៃទី ៦ ខែមិថុនា ឆ្នាំ ២០២០ ខ្សែកាបកាប៊ីន Sun World Cat Ba នឹងត្រូវដាក់ឱ្យដំណើរការជាផ្លូវការ។ ខ្សែខ្សែកាបកាប៊ីនបីខ្សែ Cat Hai – Phu Long នឹងនាំមកជូនភ្ញៀវទេសចរនូវមធ្យោបាយថ្មីមួយដើម្បីទៅដល់កោះ Cat Ba ដោយកាត់បន្ថយពេលវេលាធ្វើដំណើរពាក់កណ្តាល។

ខ្សែខ្សែកាបកាប៊ីន Cat Hai – Phu Long គឺជាផ្នែកដំបូងបង្អស់នៃរមណីយដ្ឋានខ្សែកាបកាប៊ីន Sun World Cat Ba ប៉ុន្តែក៏ជាផ្នែកដ៏សំខាន់បំផុតផងដែរ។ ខ្សែកាបកាប៊ីននេះត្រូវបានអភិវឌ្ឍឡើងក្រោមការប្រឹក្សា និងការរចនាដោយក្រុមហ៊ុន Doppelmayr ដែលជាក្រុមហ៊ុនខ្សែកាបកាប៊ីនឈានមុខគេលើពិភពលោក។ ខ្សែនេះតភ្ជាប់កោះ Cat Hai ទៅកាន់ផែ Cai Vieng លើកោះ Cat Ba។ ដែលមានប្រវែងសរុប ៣,៩៥៥ ម៉ែត្រ និងមានសមត្ថភាពដឹកជញ្ជូនមនុស្សរហូតដល់ ៤,៥០០ នាក់ក្នុងមួយម៉ោង។ កាប៊ីននីមួយៗក្នុងចំណោមកាប៊ីនទាំង ៦០ អាចផ្ទុកមនុស្សបានរហូតដល់ ៣០ នាក់ ដែលធ្វើឱ្យការធ្វើដំណើរឆ្ពោះទៅកាន់ឈូងសមុទ្រតុងកឹង (Gulf of Tonkin) កាន់តែមានភាពធូរស្រាល និងរីករាយ។

ជាពិសេស ខ្សែកាបកាប៊ីន Cat Hai – Phu Long មានបង្គោលខ្សែកាបកម្ពស់ ២១៤.៨ ម៉ែត្រ ដែលត្រូវបានទទួលស្គាល់ដោយអង្គការកំណត់ត្រាពិភពលោកហ្គីណេស (Guinness World Records) ថាជា «បង្គោលខ្សែកាបកាប៊ីនដែលខ្ពស់ជាងគេបំផុត»។

ការដំណើរការនៃខ្សែកាបកាប៊ីន Cat Hai – Phu Long នឹងរួមចំណែកដល់ការកែលម្អហេដ្ឋារចនាសម្ព័ន្ធទេសចរណ៍។ តាមរយៈការកាត់បន្ថយការកកស្ទះនៃសាឡាង ជាពិសេសក្នុងអំឡុងរដូវកាលទេសចរណ៍រដូវក្តៅ ថ្ងៃឈប់សម្រាកសាធារណៈ និងពិធីបុណ្យចូលឆ្នាំថ្មីប្រពៃណីជាតិ។ សំបុត្រមានតម្លៃ ១៥០,០០០ ដុង (VND)/មនុស្សពេញវ័យ និង ១០០,០០០ ដុង (VND)/កុមារ សម្រាប់ជើងទៅមួយផ្លូវ។

ដើម្បីអបអរសាទរការបើកដំណើរការនេះ ខ្សែកាបកាប៊ីន Sun World Cat Ba នឹងផ្តល់ជូនតម្លៃសំបុត្របញ្ចុះតម្លៃ ២០០,០០០ ដុង (VND)/មនុស្សពេញវ័យ និង ១៥០,០០០ ដុង (VND)/កុមារ សម្រាប់សំបុត្រទៅមក។ ជាពិសេស សម្រាប់អ្នកស្រុកហាយហ្វុង ក៏នឹងទទួលបានការបញ្ចុះតម្លៃសំបុត្រមកត្រឹម ១០០,០០០ ដុង (VND) សម្រាប់សំបុត្រមួយផ្លូវ និង ១៥០,០០០ ដុង (VND) សម្រាប់សំបុត្រទៅមកផងដែរ។ កម្មវិធីប្រូម៉ូសិននេះនឹងត្រូវអនុវត្តចាប់ពីថ្ងៃបើកដំណើរការថ្ងៃទី ៦ ខែមិថុនា រហូតដល់ថ្ងៃទី ៣០ ខែមិថុនា ឆ្នាំ ២០២០។

###

សម្រាប់ព័ត៌មានបន្ថែម៖

ខ្សែកាបកាប៊ីន Sun World Cat Ba
Chan, ឃុំ Dong Bai, កោះ Cat Hai, ហាយហ្វុង
Phone: 0225 280 999
Email: catba.booking@sunworld.vn
https://catba.sunworld.vn/en/