ហាណូយ ប្រទេសវៀតណាម (ថ្ងៃទី ៧ ខែធ្នូ ឆ្នាំ ២០២០) -- ម៉ាកយីហោសណ្ឋាគារលំដាប់ប្រណីត The Regent បានប្រកាសពីការបើកដំណើរការអចលនទ្រព្យ និងលំនៅឋានថ្មីបំផុតរបស់ខ្លួននៅលើកោះភូគុក (Phu Quoc) នៅក្នុងឆមាសទីមួយនៃឆ្នាំ ២០២១។

The Regent Residences Phu Quoc នឹងមានទីតាំងនៅលើឆ្នេរ Long Beach ដែលមានចម្ងាយ ១៥ នាទីពីព្រលានយន្តហោះអន្តរជាតិភូគុក។ រមណីយដ្ឋាននេះនឹងមានបន្ទប់ឈុត និងវីឡាដ៏ប្រណីតជាមួយអាងហែលទឹកផ្ទាល់ខ្លួន ទេសភាពដ៏ស្រស់ស្អាតដូចគំនូរ និងការរចនាផ្ទៃខាងក្នុងលំដាប់ខ្ពស់ប្រកបដោយភាពស៊ីសង្វាក់គ្នាជាមួយទេសភាពជុំវិញ។ គ្រឿងបរិក្ខារនៅក្នុងបរិវេណរួមមាន ស្កាយបារ (sky bar) កន្លែងហាត់ប្រាណលំដាប់ខ្ពស់ សេវាកម្មអ្នកបម្រើផ្ទាល់ខ្លួនកម្រិតកំពូល ការទទួលទានអាហារដ៏ប្រណីត និងស្ប៉ាលំដាប់ថ្នាក់លេខមួយ។

The Regent Residences Phu Quoc នឹងក្លាយជាអចលនទ្រព្យ Regent ដំបូងគេដែលបើកដំណើរការនៅអាស៊ីអាគ្នេយ៍ ចាប់តាំងពីក្រុមហ៊ុន InterContinental Hotels Group (IHG) បានទិញយកម៉ាកយីហោ Regent ក្នុងឆ្នាំ ២០១៨។ អចលនទ្រព្យនេះគឺជាផ្នែកមួយនៃ Phu Quoc Marina ដែលជាតំបន់ស្មុគស្មាញលំដាប់ប្រណីតពហុសេវាកម្មអភិវឌ្ឍន៍ដោយក្រុមហ៊ុន BIM Group ដែលរួមមានទាំង InterContinental Phu Quoc Long Beach និង Sailing Club Phu Quoc ផងដែរ។ 

The Regent Phu Quoc គ្រោងនឹងបើកដំណើរការនៅខែមេសា ឆ្នាំ ២០២១។ ចូលទៅកាន់គេហទំព័រផ្លូវការសម្រាប់ព័ត៌មានបន្ថែម៖ http://regentresidencesphuquoc.com/en/

---