នៅថ្ងៃទី ១ ខែធ្នូ ក្នុងកម្មវិធី Grand Final 2023 ដែលជាចំណុចកំពូលនៃខួបលើកទី ៣០ នៃការផ្តល់រង្វាន់ដល់ឧត្តមភាពនៃការធ្វើដំណើរ នៅឯសណ្ឋាគារ Burj Al Arab ដ៏ល្បីល្បាញរបស់ទីក្រុងឌូបៃ នៃប្រទេសអារ៉ាប់រួម (UAE) វៀតណាមបានដណ្តើមបានពានរង្វាន់ជា «គោលដៅបេតិកភណ្ឌឈានមុខគេលើពិភពលោកឆ្នាំ ២០២៣» ពីកម្មវិធី World Travel Awards សារជាថ្មីម្តងទៀត។ ប្រទេសនេះធ្លាប់បានឈ្នះពានរង្វាន់នេះចំនួនបីដងរួចមកហើយគឺនៅឆ្នាំ ២០១៩ ២០២០ និង ២០២២។

ប្រទេសវៀតណាមបានយកឈ្នះលើបេក្ខភាពខ្លាំងៗជាច្រើនដូចជា អាមេនី ប្រេស៊ីល អេហ្ស៊ីប ក្រិក ជប៉ុន និងអារ៉ាប៊ីសាអូឌីត ដើម្បីគ្រងតំណែងជាគោលដៅបេតិកភណ្ឌឈានមុខគេលើពិភពលោកក្នុងឆ្នាំ ២០២៣។

ពានរង្វាន់នេះបង្ហាញពីតម្លៃដ៏លេចធ្លោជាសកល និងភាពទាក់ទាញនៃបេតិកភណ្ឌវប្បធម៌របស់ប្រទេសនេះចំពោះសហគមន៍អន្តរជាតិ។

ទីក្រុងបុរាណហយអាន

ក្រៅពីសម្រស់ដ៏ស្រស់ត្រកាលនៃភ្នំ ព្រៃឈើ សមុទ្រ និងកោះ វៀតណាម ក៏មានតំបន់បេតិកភណ្ឌធម្មជាតិ និងវប្បធម៌ពិភពលោកដែលទទួលស្គាល់ដោយ UNESCO វត្ថុបុរាណប្រវត្តិសាស្ត្រ និងវប្បធម៌ដែលផ្សារភ្ជាប់នឹងពិធីបុណ្យប្រពៃណី ភូមិរបរដោយដៃជាយូរលង់ណាស់មកហើយ ម្ហូបអាហារដ៏ឆ្ងាញ់ពិសា និងស្នាដៃស្ថាបត្យកម្មដែលមានតម្លៃប្រវត្តិសាស្ត្រដ៏សម្បូរបែបផងដែរ...

​ប្រភេទបេតិកភណ្ឌនីមួយៗសុទ្ធតែមានសម្រស់ និងរឿងរ៉ាវប្លែកៗរៀងៗខ្លួន។ ទាំងអស់នេះរួមបញ្ចូលគ្នាបង្កើតបានជាភាពទាក់ទាញដ៏អស្ចារ្យសម្រាប់ភ្ញៀវទេសចរមកពីជុំវិញពិភពលោក។

ចាប់ពី ហាណូយ - រដ្ឋធានីនៃអារ្យធម៌រាប់ពាន់ឆ្នាំ តំបន់បេតិកភណ្ឌធម្មជាតិពិភពលោកនៃ ឈូងសមុទ្រហាឡុង តំបន់ទេសភាព ត្រាងអាន បេតិកភណ្ឌវប្បធម៌ពិភពលោកនៃបន្ទាយរាជវង្សហូ ទីក្រុងបុរាណ ហយអាន ប្រាសាទ មីសឺន រហូតដល់រមណីយដ្ឋានបូជនីយដ្ឋាន ហ្វេ ... ប្រព័ន្ធបេតិកភណ្ឌដ៏សម្បូរបែបរបស់វៀតណាម គឺជាសក្ខីភាពមួយបញ្ជាក់ពីប្រទេសវៀតណាមដ៏អស្ចារ្យ និងរុងរឿង ជាមួយនឹងទេសភាពធម្មជាតិប្រកបដោយភាពចុះសម្រុងគ្នា អត្តសញ្ញាណជាតិចម្រុះ និងប្រវត្តិសាស្ត្រវប្បធម៌ដ៏យូរលង់។

រមណីយដ្ឋានបូជនីយដ្ឋានហ្វេ