ក្នុងនាមជាទឹកដីដ៏សំបូរបែបទៅដោយវប្បធម៌ និងប្រវត្តិសាស្ត្រ ខេត្តប៊ិញឌិញគឺជាកន្លែងឈប់សម្រាកដ៏ល្បីល្បាញមួយរបស់ប្រទេសដែលមានទេសភាព និងទីកន្លែងទាក់ទាញជាច្រើន សម្រាប់ភ្ញៀវទេសចរដែលចង់មកទស្សនា និងស្វែងយល់ពីសម្រស់ធម្មជាតិដ៏ស្រស់ត្រកាលនៃតំបន់ភាគកណ្តាល។

 

នៅលើផ្លូវឆ្ពោះទៅរកការក្លាយជាមជ្ឈមណ្ឌលទេសចរណ៍ដ៏សំខាន់មួយរបស់ប្រទេស ខេត្តប៊ិញឌិញ (Binh Dinh) គឺជាទីកន្លែងដែលភ្ញៀវទេសចរអាចមកសម្រាកលម្ហែកាយ កម្សាន្ត លេងកីឡាលើទឹក រៀបចំកិច្ចប្រជុំ MICE និងទេសចរណ៍បេតិកភណ្ឌវប្បធម៌។ ជាពិសេស ខេត្តប៊ិញឌិញមានសក្តានុពលខ្ពស់ក្នុងការធ្វើជាម្ចាស់ផ្ទះរៀបចំព្រឹត្តិការណ៍កីឡាអន្តរជាតិឈានមុខគេ។

នៅក្នុងឆ្នាំ ២០២៤ នេះ ខេត្តប៊ិញឌិញត្រូវបានរំពឹងថានឹងក្លាយជាចំណុចលេចធ្លោមួយនៅក្នុងប្រទេសវៀតណាម ជាមួយនឹងព្រឹត្តិការណ៍ និងពិធីបុណ្យប្លែកៗជាច្រើន ដែលសន្យថានឹងជួយជំរុញវិស័យទេសចរណ៍វៀតណាមឱ្យកាន់តែរស់រវើក។ ព្រឹត្តិការណ៍កីឡាអន្តរជាតិនៅក្នុងតំបន់ គោលដៅទេសចរណ៍អន្តរជាតិលំដាប់ខ្ពស់ និងកម្មវិធីជាច្រើនទៀត កំពុងរង់ចាំស្វាគមន៍អ្នកមកកាន់ខេត្តប៊ិញឌិញក្នុងឆ្នាំនេះ។

ជាលើកដំបូងបង្អស់នៅក្នុងប្រទេសវៀតណាម ព្រឹត្តិការណ៍ Grand Prix Binh Dinh 2024 នឹងប្រព្រឹត្តទៅជាមួយការប្រកួតដ៏អស្ចារ្យចំនួន ២ គឺការប្រកួតជើងឯកពិភពលោក UIM-ABP AQUABIKE World Championship ចាប់ពីថ្ងៃទី ២២ ដល់ថ្ងៃទី ២៤ ខែមីនា ឆ្នាំ ២០២៤ និងការប្រកួតជើងឯកពិភពលោក UIM F1H2O World Championship ចាប់ពីថ្ងៃទី ២៩ ដល់ថ្ងៃទី ៣១ ខែមីនា ឆ្នាំ ២០២៤។

លើសពីនេះ កម្មវិធីអមជាបន្តបន្ទាប់នៅក្នុងគម្រោង "Amazing Binh Dinh Fest 2024" នឹងត្រូវរៀបចំឡើង រួមមាន៖ ពិធីបុណ្យម្ហូបអាហារអន្តរជាតិប៊ិញឌិញ លើកទី១ ឆ្នាំ ២០២៤; ពិធីបុណ្យតន្ត្រីអន្តរជាតិ និងម៉ូដសម្លៀកបំពាក់មាត់សមុទ្រ; សន្និសីទជំរុញការវិនិយោគជាមួយរាត្រីសមោសរ Gala Night ជួបជាមួយកំពូលមហាសេដ្ឋី…

ពេញមួយឆ្នាំនេះ ភ្ញៀវទេសចរដែលមកកម្សាន្តនៅខេត្តប៊ិញឌិញនឹងមានឱកាសចូលរួមក្នុងព្រឹត្តិការណ៍ដ៏រស់រវើកនានាដូចជា៖ ពិធីបុណ្យវត្តលោកយាយនឿកម៉ាន់ (Lady Nuoc Man Pagoda Festival) (ចាប់ពីថ្ងៃទី ៩ ដល់ ១១ ខែមីនា ឆ្នាំ ២០២៤); ពិធីបើកមហោស្រពទេសចរណ៍ប៊ិញឌិញ ឆ្នាំ ២០២៤ ក្រោមប្រធានបទ "គុយញ៉ន - ឋានសួគ៌សមុទ្រ - ការអភិវឌ្ឍន៍ដ៏ត្រចះត្រចង់" (ខែមេសា ឆ្នាំ ២០២៤); ការប្រកួតប្រណាំងកង់ខេត្តប៊ិញឌិញបើកទូលាយ ឆ្នាំ ២០២៤ (ខែឧសភា ឆ្នាំ ២០២៤); ការប្រកួតកីឡាអត្តពលកម្មយុវជនថ្នាក់ជាតិឆ្នាំ ២០២៤ នៅខេត្តប៊ិញឌិញ (ត្រីមាសទី ២ នៃឆ្នាំ ២០២៤); ពិធីបុណ្យបង្ហោះខ្លែង គុយញ៉ន - ប៊ិញឌិញ (ខែកក្កដា ឆ្នាំ ២០២៤); រួមជាមួយនឹងព្រឹត្តិការណ៍កីឡា និងពិធីបុណ្យវប្បធម៌ទាក់ទាញជាច្រើនទៀត។

មកកម្សាន្ត និងទទួលយកបទពិសោធន៍ដ៏អស្ចារ្យបំផុតនៅខេត្តប៊ិញឌិញ!