ចាប់ពីទឹករលកបោកបក់នៃឆ្នេរសមុទ្រ រហូតដល់ទឹកត្រូពិចដ៏កក់ក្តៅ ឆ្នេរខ្សាច់លាតសន្ធឹងដ៏ស្រស់ស្អាត និងវប្បធម៌ជិះក្តាររលកដ៏រស់រវើក ប្រទេសវៀតណាមបានក្លាយជាគោលដៅទេសចរណ៍ដែលមិនគួររំលងសម្រាប់អ្នកចូលចិត្តជិះក្តាររលក។

តំបន់ Mui Ne ដែលមានទីតាំងស្ថិតនៅភាគអាគ្នេយ៍ តែងតែត្រូវបានចាត់ទុកថាជាគោលដៅឈានមុខគេសម្រាប់ការជិះក្តាររលក និងកីឡាលើទឹក ដោយសារតែទឹកឆ្នេររាក់ និងឆ្នេរខ្សាច់របស់វា។ ពេលវេលាដ៏ស័ក្តិសមបំផុតសម្រាប់ការជិះក្តាររលកគឺចាប់ពីខែវិច្ឆិកា ដល់ខែមីនា។

ឆ្នេរ Mui Ne ខេត្ត Binh Thuan (រូបថត៖ anhcauduong67)

ទីក្រុងដាណាង (Da Nang) គឺជាទីក្រុងឆ្នេរសមុទ្រដ៏រស់រវើកមួយនៅភាគកណ្តាលប្រទេសវៀតណាម ដែលមានឆ្នេរ My Khe និងមានទឹកសមុទ្រថ្លាឆ្វង់ រួមទាំងរលកបោកបក់ជាប់ជានិច្ច ដោយជាប់ចំណាត់ថ្នាក់លេខពីរ។ ពេលវេលាដ៏ល្អបំផុតដើម្បីជិះក្តាររលកនៅឆ្នេរ My Khe គឺចាប់ពីខែកញ្ញា ដល់ខែមីនា នៅពេលដែលកម្ពស់រលកជាទូទៅមានចន្លោះពី ៣ ទៅ ៦ ហ្វីត។ លក្ខខណ្ឌទាំងនេះគឺស័ក្តិសមបំផុតសម្រាប់ទាំងអ្នកចាប់ផ្តើមដំបូង និងការលេងបែបប្រឈមខ្លាំង នេះបើយោងតាមទស្សនាវដ្តី Outlook Traveller។

ជាប់ចំណាត់ថ្នាក់លេខបីគឺឆ្នេរ Bai Dai ក្នុងទីក្រុងញ៉ាត្រាង (Nha Trang) ដោយពេលវេលាដ៏ល្អបំផុតដើម្បីទៅកម្សាន្តគឺចាប់ពីខែវិច្ឆិកា ដល់ខែមីនា។ ឆ្នេរនេះគឺស័ក្តិសមបំផុតសម្រាប់អ្នកចាប់ផ្តើមជិះក្តាររលកដែលចង់ហ្វឹកហាត់ក្នុងបរិយាកាសធូរស្រាល ដោយសារវាមានខ្សាច់ទន់ និងរលកស្រាលៗ។ សាលាបង្រៀនជិះក្តាររលកជាច្រើននៅក្នុងតំបន់នេះផ្តល់ជូននូវការបង្រៀន និងការជួលក្តាររលក ដែលធ្វើឱ្យវាងាយស្រួលសម្រាប់អ្នកដែលចង់ចាប់ផ្តើមដំបូង។

រូបថត៖ vanthanhchau

ស្ថិតនៅចម្ងាយប្រហែល ១០០ គីឡូម៉ែត្រពីទីក្រុងហូជីមិញ ទីក្រុងវុងតាវ (Vung Tau) ជាប់ចំណាត់ថ្នាក់ទីបួននៅក្នុងបញ្ជីនេះ ដោយសារវាផ្តល់នូវរលកថេរ និងសមស្របសម្រាប់អ្នកចាប់ផ្តើមដំបូង ដែលបង្កើតបានជាលក្ខខណ្ឌដ៏ល្អសម្រាប់ការជិះក្តាររលក។

 

Outlook Traveller ក៏បានណែនាំតំបន់ Phan Rang ផងដែរ ទោះបីជាតំបន់នេះស័ក្តិសមជាងសម្រាប់អ្នកលេងក្តាររលកកម្រិតមធ្យម និងកម្រិតខ្ពស់ក៏ដោយ ព្រោះថារលកនៅទីនោះអាចមានទំហំធំ និងខ្លាំងជាងរលកនៅ Mui Ne ឬ Nha Trang។