ហាណូយ, វៀតណាម (២០ មេសា ២០១៩) – ដើម្បីប្រកាសការរាប់ថយក្រោយឆ្ពោះទៅកាន់ការប្រណាំងឡាន Formula One (F1) លើកដំបូងនៅទីក្រុងហាណូយ ក្រុមអ្នករៀបចំមកពីរដ្ឋាភិបាលវៀតណាម និងក្រុមហ៊ុន Heineken បានរៀបចំព្រឹត្តិការណ៍បើកឆាក F1 Vietnam Grand Prix ដ៏អស្ចារ្យនៅកីឡដ្ឋានជាតិ My Dinh ក្នុងទីក្រុងហាណូយ កាលពីថ្ងៃទី២០ ខែមេសា។

ដែលគ្រោងនឹងប្រព្រឹត្តទៅនៅក្នុងរដ្ឋធានីរបស់ប្រទេសវៀតណាមនាខែមេសាឆ្នាំក្រោយ ព្រឹត្តិការណ៍ Vietnam Grand Prix 2020 គឺជាកិច្ចសហការរវាងក្រសួងវប្បធម៌ កីឡា និងទេសចរណ៍ គណៈកម្មាធិការប្រជាជនទីក្រុងហាណូយ ក្រុមហ៊ុន Vietnam Grand Prix Corporation (VGPC) និងក្រុមហ៊ុន Heineken។

លោក Nguyen The Hung អនុប្រធានគណៈកម្មាធិការប្រជាជនទីក្រុងហាណូយ បានសង្កត់ធ្ងន់លើសារៈសំខាន់នៃព្រឹត្តិការណ៍ Vietnam Grand Prix 2020 សម្រាប់ទីក្រុងហាណូយ និងប្រទេសវៀតណាម ដោយមានប្រសាសន៍ថា «ក្នុងនាមជាព្រឹត្តិការណ៍កីឡាដ៏ធំ និងមានកេរ្តិ៍ឈ្មោះបំផុតមួយនៅលើភពផែនដី F1 នឹងលើកកម្ពស់ឋានៈរបស់ទីក្រុងហាណូយជាទីក្រុងសកលពិតប្រាកដ និងជាគោលដៅសម្រាប់បទពិសោធន៍លំដាប់ថ្នាក់ពិភពលោក»។

ព្រឹត្តិការណ៍បើកឆាកនេះមានការបង្ហាញការប្រណាំងឡានផ្ទាល់ពីក្រុម Aston Martin Red Bull Racing Team ដែលបើកបរដោយអ្នកបើកបរដ៏ល្បីល្បាញលោក David Coulthard។ អ្នកគាំទ្រវៀតណាមជាង ៣០.០០០ នាក់បានចូលរួមនៅកីឡដ្ឋានជាតិ My Dinh ដើម្បីទទួលបានបទពិសោធន៍សាកល្បងនៃអ្វីដែលនឹងមកដល់នៅទីតាំងដដែលនេះក្នុងរយៈពេល ១២ ខែទៀត។

អ្នកគាំទ្រមួយចំនួនបានឈ្នះឱកាសជួបជុំ និងសួរសុខទុក្ខផ្តាច់មុខជាមួយលោក David
Coulthard និងក្រុម Aston Martin Red Bull Racing។ ម្ចាស់ជើងឯក Grand Prix ១៣ ជំនាន់ និងជាទូតសុច្ឆន្ទៈ Heineken F1 លោក David Coulthard បានមានប្រសាសន៍ថា «នេះជាលើកទីពីរហើយដែលខ្ញុំបានមកសម្តែងជាមួយក្រុម Aston Martin Red Bull Racing Team នៅក្នុងប្រទេសវៀតណាម ហើយខ្ញុំពិតជារំភើបចិត្តជាខ្លាំងដែលប្រទេសវៀតណាមនឹងធ្វើជាម្ចាស់ផ្ទះរៀបចំការប្រកួតផ្លូវការ F1 Grand Prix លើកដំបូងរបស់ខ្លួននៅឆ្នាំក្រោយ»

នៅក្នុងព្រឹត្តិការណ៍នោះ ក្រុមហ៊ុន VGPC បានប្រកាសបើកលក់សំបុត្រវគ្គដំបូង ជាមួយនឹងចំនួនកំណត់ត្រឹមតែ ៥.៥៦៥ សំបុត្រសម្រាប់ F1 Vietnam Grand Prix 2020 ដើម្បីជានិមិត្តរូបតំណាងឱ្យប្រវែង ៥,៥៦៥ គីឡូម៉ែត្រនៃផ្លូវប្រណាំង F1 ក្នុងទីក្រុងហាណូយ។ សំបុត្រនឹងត្រូវបានបែងចែកជាបីប្រភេទគឺ៖ សំបុត្របដិសណ្ឋារកិច្ច (Hospitality) សំបុត្រកន្លែងអង្គុយទស្សនា (Grandstand) និងសំបុត្រចូលទស្សនាទូទៅ (Admission)។ សំបុត្រនឹងត្រូវចែកចាយតាមរយៈគេហទំព័រផ្លូវការរបស់ VGPC នៅ www.f1vietnamgp.com មុនពេលផ្តល់ជូនទៅកាន់បណ្តាញចែកចាយផ្សេងទៀត។

«យើងខ្ញុំមានក្តីរំភើបយ៉ាងខ្លាំងក្នុងការនាំយកបទពិសោធន៍ដ៏អស្ចារ្យនៃ F1 ជូនដល់អ្នកគាំទ្រ F1 វៀតណាម និងអន្តរជាតិ។ ព្រឹត្តិការណ៍នាថ្ងៃនេះ គឺជាចំណុចរបត់ផ្លូវការដំបូងរបស់ F1 នៅក្នុងប្រទេសវៀតណាម និងជាការចាប់ផ្តើមសកម្មភាព F1 ផ្សេងទៀតនៅក្នុងទីក្រុងហាណូយនាពេលខាងមុខ» នេះបើតាមប្រសាសន៍របស់លោក Le Khac Hiep អនុប្រធានក្រុមហ៊ុន Vingroup។

ដើម្បីផ្តល់បទពិសោធន៍ពេញលេញដល់អ្នកគាំទ្រ ក្រុមហ៊ុន Heineken បាននាំយក DJ និងផលិតករល្បីល្បាញលំដាប់ពិភពលោកគឺលោក Armin Van Buuren មកកាន់ទីក្រុងហាណូយសម្រាប់ការសម្តែងផ្តាច់មុខ។ លោក Armin Van Buuren ត្រូវបានចូលរួមគាំទ្រដោយសិល្បករវៀតណាមគឺលោក Son Tung M-TP និងលោក Tung Duong។

ព្រឹត្តិការណ៍បើកឆាក F1 Vietnam Grand Prix គឺមិនគិតថ្លៃចូលទស្សនាឡើយ និងបើកចំហសម្រាប់ទស្សនិកជនដែលមានអាយុលើសពី ១៨ ឆ្នាំឡើងទៅ។ 

###

អំពីក្រុមហ៊ុន Vietnam Grand Prix Corporation 

ក្រុមហ៊ុន Vietnam Grand Prix Corporation (VGPC) គឺជាកម្មសិទ្ធិរបស់ក្រុមហ៊ុន VinFast ដែលជាសមាជិករបស់ Vingroup ដែលទទួលបានសិទ្ធិពីគណៈកម្មាធិការប្រជាជនទីក្រុងហាណូយក្នុងការរៀបចំព្រឹត្តិការណ៍ F1 Vietnam Grand Prix។ ក្រុមហ៊ុន VGPC ទទួលខុសត្រូវលើការអភិវឌ្ឍហេដ្ឋារចនាសម្ព័ន្ធសម្រាប់ផ្លូវប្រណាំង F1 ក្នុងទីក្រុងហាណូយ ការគ្រប់គ្រង និងដំណើរការកម្មវិធី Vietnam Grand Prix ចាប់ពីឆ្នាំ២០២០ រហូតដល់ឆ្នាំ២០៣០។ VGPC ក៏ទទួលខុសត្រូវលើការលក់សំបុត្រ និងសកម្មភាពផ្សព្វផ្សាយផ្សេងៗទៀតផងដែរ។

សម្រាប់ព័ត៌មានបន្ថែមស្តីពីការលក់សំបុត្រ និងសកម្មភាពរបស់ VGPC៖ www.f1vietnamgp.com

---

សម្រាប់ព័ត៌មានបន្ថែម សូមទំនាក់ទំនង៖

Vietnam Grand Prix Corporation

លោក Joshua Jeffery Turner
ប្រធានផ្នែកទីផ្សារ, PR, ព្រឹត្តិការណ៍ & ការកម្សាន្ត
ទូរស័ព្ទចល័ត៖ 0937903140
អ៊ីមែល៖ v.joshua2@f1vietnamgp.vn

Vingroup

លោក Nguyen Tuan Hai, ក្រុមការងារ PR
ទូរស័ព្ទ៖ 093 626 8383
អ៊ីមែល៖ v.haint17@vingroup.net

---