ហានូយ វៀតណាម (ថ្ងៃទី ២៨ ខែមីនា ឆ្នាំ ២០១៩) -- ក្រុមហ៊ុន Muong Thanh Hospitality Group ដែលជាខ្សែសង្វាក់សណ្ឋាគារធំជាងគេមួយរបស់វៀតណាម ទទួលបានពានរង្វាន់ឧស្សាហកម្មចំនួនប្រាំ នៅក្នុងពិធីប្រគល់ពានរង្វាន់ទេសចរណ៍ VITA ឆ្នាំ ២០១៨ ដែលរៀបចំឡើងដោយសមាគមទេសចរណ៍វៀតណាម (VITA) នៅថ្ងៃទី ២៨ ខែមីនា ឆ្នាំ ២០១៩។
 
ពិធីប្រគល់ពានរង្វាន់ទេសចរណ៍ VITA ឆ្នាំ ២០១៨ បានប្រព្រឹត្តទៅក្នុងអំឡុងពេលពិព័រណ៍ទេសចរណ៍អន្តរជាតិវៀតណាមឆ្នាំ ២០១៩ (VITM 2019) នៅវិមានវប្បធម៌មិត្តភាពក្នុងទីក្រុងហានូយ។
 
ក្រុមហ៊ុន Muong Thanh Hospitality Group ឈ្នះពានរង្វាន់សរុបចំនួនប្រាំក្នុងអំឡុងពេលព្រឹត្តិការណ៍នេះ៖

Muong Thanh Holiday Hoi An៖ ទទួលបានភ្ញៀវកក់តាមប្រព័ន្ធអ៊ីនធឺណិតច្រើនជាងគេក្នុងឆ្នាំ ២០១៨

Muong Thanh Grand Hanoi៖ ទទួលបានភ្ញៀវកូរ៉េច្រើនជាងគេក្នុងឆ្នាំ ២០១៨

Muong Thanh Luxury Quang Ninh៖ ធ្វើជាម្ចាស់ផ្ទះរៀបចំសន្និសីទច្រើនជាងគេក្នុងឆ្នាំ ២០១៨

Muong Thanh Holiday Moc Chau៖ ភាពឆ្នើមក្នុងការអនុវត្តការងារអាជីវកម្មក្នុងឆ្នាំ ២០១៨

Đào Thị Thoa - ប្រធានផ្នែកថែទាំបន្ទប់នៅ Muong Thanh Luxury Quang Ninh៖ ទទួលបានពានរង្វាន់អ្នកថែទាំបន្ទប់ឆ្នើមឆ្នាំ ២០១៨
 
ពានរង្វាន់ទេសចរណ៍ VITA គឺជាពិធីប្រគល់ពានរង្វាន់ដ៏មានកិត្យានុភាពដែលរៀបចំឡើងជារៀងរាល់ឆ្នាំដោយសមាគមទេសចរណ៍វៀតណាម ដើម្បីលើកកម្ពស់ និងផ្តល់កិត្តិយសដល់អាជីវកម្មឆ្នើមៗ ដែលបានរួមចំណែកយ៉ាងធំធេងដល់វិស័យទេសចរណ៍ និងបដិសណ្ឋារកិច្ច។ 

ពានរង្វាន់ទាំងនេះលើកទឹកចិត្តឱ្យមានការកែលម្អគុណភាពសេវាកម្ម និងវិជ្ជាជីវៈនៅក្នុងវិស័យបដិសណ្ឋារកិច្ចរបស់វៀតណាម ដោយបង្កើតការយល់ដឹងអំពីម៉ាកយីហោជាបណ្តើរៗ និងរួមចំណែកដល់ការអភិវឌ្ឍន៍ទេសចរណ៍។ 

ព្រឹត្តិការណ៍នេះក៏មានគោលបំណងជួយភ្ញៀវទេសចរឱ្យស្គាល់ផលិតផល ទីកន្លែងស្នាក់នៅ និងក្រុមហ៊ុនល្បីៗនៅក្នុងឧស្សាហកម្មទេសចរណ៍របស់វៀតណាមផងដែរ។ 

សម្រាប់ព័ត៌មានបន្ថែមអំពី Muong Thanh Hospitality សូមចូលទៅកាន់ គេហទំព័ររបស់ពួកគេ។

---