ហាណូយ ប្រទេសវៀតណាម (២០ វិច្ឆិកា ២០១៩) -- ក្នុងខែតុលានេះ Bhaya Cruises បានចូលរួមជាផ្លូវការជាមួយបណ្តាញរបស់ RefillMyBottle ដោយផ្តល់ជូននូវទឹកផឹកឥតគិតថ្លៃ និងគ្មានប្លាស្ទិកដល់អ្នកដំណើរ។

បន្ទាប់ពីសិក្សាពីបេសកកម្មរបស់ RefillMyBottle រួចមក Bhaya Cruises មានការចាប់អារម្មណ៍យ៉ាងខ្លាំងចំពោះគំនិតផ្តួចផ្តើមរបស់អង្គការនេះ ក្នុងការកំណត់ទីតាំងស្ថានីយទឹកផឹកឥតគិតថ្លៃ និងការលុបបំបាត់ដបប្លាស្ទិកដែលប្រើប្រាស់បានតែម្តង។

ដើម្បីទទួលបានទឹកដែលចែកចាយដោយអង្គការនេះ អ្នកប្រើប្រាស់គ្រាន់តែទាញយកកម្មវិធីទូរស័ព្ទ ដែលពួកគេអាចមើលឃើញផែនទីបង្ហាញពីទីតាំងនៅក្បែរៗទាំងអស់។ អាជីវកម្មណាក៏ដោយដែលមានបិទស្ទីគ័រ RefillMyBottle នៅលើបង្អួច គឺចូលរួមនៅក្នុងកម្មវិធីនេះ ហើយនឹងផ្តល់ការចាក់បំពេញទឹកដោយឥតគិតថ្លៃ ឬក្នុងតម្លៃទាបបំផុត។

Bhaya Cruises បានប្តេជ្ញាចិត្តជាយូរមកហើយក្នុងការកាត់បន្ថយសំណល់ និងឆ្ពោះទៅរកការមិនប្រើប្រាស់ប្លាស្ទិកប្រើប្រាស់បានតែម្តង។ ដើម្បីគាំទ្រដល់គោលដៅនេះ Bhaya Cruises បានបង្កើតស្ថានីយទឹកចំនួន ២០ ជាមួយ RefillMyBottle ដែលក្នុងនោះមានមួយសម្រាប់នាវាធម្មតានីមួយៗ ពីរសម្រាប់នាវាទេសចរណ៍ Au Co និងមួយសម្រាប់មជ្ឈមណ្ឌល Bhaya Cruise Center។ 

ដើម្បីអបអរសាទរកិច្ចសហការជាមួយ RefillMyBottle នេះ Bhaya Cruises កំពុងផ្តល់ជូនដបទឹកអាលុយមីញ៉ូម និងដបទឹកឫស្សីសម្រាប់អ្នកដំណើរទាំងអស់។ ដបទាំងនេះអាចផ្ទុកទឹកផឹកបានរហូតដល់ ៥០០មីលីលីត្រ និងជួយកាត់បន្ថយដបប្លាស្ទិកប្រើប្រាស់តែម្តងយ៉ាងហោចណាស់ពី ៣ ទៅ ៤ លានដប។

សម្រាប់ព័ត៌មានបន្ថែម សូមចូលទៅកាន់៖ Bhaya Cruises

 

---