ហាណូយ ប្រទេសវៀតណាម (ថ្ងៃទី១ ខែវិច្ឆិកា ឆ្នាំ២០១៩) — ក្នុងខែតុលានេះ កម្មវិធីពានរង្វាន់ Blue Swallows Awards បានផ្តល់ពានរង្វាន់ Silver Swallow ដល់ក្រុមហ៊ុន Bhaya Cruises សម្រាប់ការរួមចំណែករបស់ក្រុមហ៊ុនចំពោះដំណោះស្រាយប្រកបដោយនិរន្តរភាពនៅក្នុងឈូងសមុទ្រ Ha Long។ បន្ថែមលើនេះ ក្រុមហ៊ុន Bhaya Cruises ទទួលបានប្រាក់រង្វាន់ចំនួន ៥០ លានដុង (VND) ដែលពួកគេបានប្តេជ្ញាចិត្តថានឹងប្រើប្រាស់សម្រាប់គម្រោងទទួលខុសត្រូវសង្គមរបស់ក្រុមហ៊ុនបន្ថែមទៀតនៅក្នុងឈូងសមុទ្រ Ha Long។
 
លោកស្រី Jerri Povibool អនុប្រធានក្រុមហ៊ុន HG Holdings ដែលជាក្រុមហ៊ុនមេរបស់ Bhaya Cruises បានមានប្រសាសន៍ថា “ពានរង្វាន់នេះពិតជាមានអត្ថន័យខ្លាំងណាស់សម្រាប់ Bhaya Cruises ព្រោះការងារ និងការផ្តោតលើសហគមន៍របស់យើងត្រូវបានទទួលស្គាល់យ៉ាងទូលំទូលាយ។ យើងមានកម្លាំងចិត្តក្នុងការដំណើរការអាជីវកម្មរបស់យើង ព្រមទាំងអភិវឌ្ឍ និងរក្សាឈូងសមុទ្រ Ha Long ឱ្យមាននិរន្តរភាពសម្រាប់ពេលអនាគត។”

ត្រូវបានចាប់ផ្តើមក្នុងឆ្នាំ ២០១៧ Blue Swallows គឺជាកម្មវិធីពានរង្វាន់ដំបូងគេនៅក្នុងប្រទេសវៀតណាមដែលទទួលស្គាល់ការរួមចំណែករបស់អាជីវកម្មចំពោះការផ្លាស់ប្តូរសង្គមជាវិជ្ជមាន។ តាមរយៈការគាំទ្រដល់ដំណោះស្រាយអាជីវកម្មប្រកបដោយនវានុវត្តន៍ និងអាចពង្រីកវិសាលភាពបាន ពានរង្វាន់នេះមានគោលបំណងគាំទ្រដល់ការរួមចំណែកឆ្ពោះទៅរកគោលដៅអភិវឌ្ឍន៍ប្រកបដោយនិរន្តរភាពនៅទូទាំងប្រទេស។ 
 
ពានរង្វាន់ឆ្នាំនេះត្រូវបានសហការរៀបចំដោយសភាពាណិជ្ជកម្ម និងឧស្សាហកម្មវៀតណាម (VCCI) សហភាពសមាគមវិទ្យាសាស្ត្រ និងបច្ចេកវិទ្យាវៀតណាម (VUSTA) កម្មវិធីអភិវឌ្ឍន៍សហប្រជាជាតិ (UNDP) និងមជ្ឈមណ្ឌលសម្រាប់ការលើកកម្ពស់គំនិតផ្តួចផ្តើមសង្គម (CSIP)។
 
រាល់ការសាកសួរព័ត៌មានអាចផ្ញើទៅកាន់៖ mm@bhayagroup.com  

###
 
អំពី Bhaya Cruises

ត្រូវបានបង្កើតឡើងក្រោមចក្ខុវិស័យក្នុងការជួយមនុស្សកាន់តែច្រើនឱ្យបានដឹងពីសម្រស់ដ៏កម្រនៃឈូងសមុទ្រ Ha Long ក្រុមហ៊ុន Bhaya Cruises អនុវត្តយ៉ាងខ្ជាប់ខ្ជួននូវការអនុវត្តប្រកបដោយការទទួលខុសត្រូវលើនាវាទេសចរណ៍របស់ខ្លួន។ ការអនុវត្តប្រកបដោយការទទួលខុសត្រូវរបស់ Bhaya ត្រូវបានបង្កើតឡើងដើម្បីធានានូវបូរណភាពបរិស្ថានរបស់ឈូងសមុទ្រ Ha Long ដោយជួយឱ្យសហគមន៍មូលដ្ឋានទទួលបានអត្ថប្រយោជន៍ពីវិស័យទេសចរណ៍នៅក្នុងតំបន់របស់ពួកគេ។ ការរួមចំណែករបស់ Bhaya រួមមានកម្មវិធីដូចខាងក្រោម៖ Bhaya Care, Save the Langurs, Bhaya Community និង Bhaya Green។

www.bhayacruises.com

 

---