NHA TRANG, ຫວຽດນາມ (20 ພະຈິກ 2018) -- ວັນທີ 18 ພະຈິກ 2018, Muong Thanh Luxury Khanh Hoa ໄດ້ເປີດໃຫ້ບໍລິການຢ່າງເປັນທາງການຫຼັງຈາກການເປີດຕົວຢ່າງເປັນທາງການໂດຍ Muong Thanh Hospitality Group. ຕັ້ງຢູ່ຖະໜົນ Tran Phu, Muong Thanh Luxury Khanh Hoa ຫັນໜ້າເຂົ້າຫາຫາດຊາຍ ໃນຂະນະທີ່ພູ San ເບິ່ງລົງມາທີ່ໂຮງແຮມຈາກທາງໃຕ້. ເມືອງ Nha Trang ເປັນໃຈກາງຂອງແຂວງ Khanh Hoa ໄດ້ຮັບການຍ້ອງຍໍມາແຕ່ດົນນານວ່າເປັນເພັດພອຍຂອງທະເລຕາເວັນອອກ. ເມືອງນີ້ມີຊື່ສຽງໂດ່ງດັງຍ້ອນຫາດຊາຍ ແລະ ສະຖານທີ່ທ່ອງທ່ຽວທາງວັດທະນະທຳ ແລະ ໂຮງແຮມແຫ່ງນີ້ກໍສະເໜີການພັກຜ່ອນທີ່ຜ່ອນຄາຍໃຫ້ແກ່ນັກທ່ອງທ່ຽວ.

Muong Thanh Luxury Khanh Hoa ເປັນໂຮງແຮມຄົບວົງຈອນແຫ່ງທຳອິດໃນ Nha Trang ທີ່ລວມເອົາສິ່ງອຳນວຍຄວາມສະດວກຂອງໂຮງແຮມລະດັບ 5 ດາວ ເຂົ້າກັບສິ່ງອຳນວຍຄວາມສະດວກຕ່າງໆ ເຊັ່ນ: ຮ້ານອາຫານ Red Sun ແລະ ສູນການຄ້າສອງຊັ້ນ. ໂຮງແຮມມີການອອກແບບທີ່ທັນສະໄໝດ້ວຍ 328 ຫ້ອງ, ທັງໝົດມີວິວທະເລ. ນອກຈາກຫ້ອງພັກຫຼູຫຼາ ແລະ ຫ້ອງປະຊຸມແລ້ວ, ໂຮງແຮມຍັງໃຫ້ບໍລິການບັນເທີງ ແລະ ຜ່ອນຄາຍຕ່າງໆ ເຊັ່ນ: ສະປາ, ຫ້ອງອອກກຳລັງກາຍ, ຄາລາໂອເກະ, ພື້ນທີ່ຫຼິ້ນສຳລັບເດັກນ້ອຍ ແລະ ຮ້ານເສີມສວຍ.

“ໂຄງການ Muong Thanh Luxury Khanh Hoa ແມ່ນຄຳໝັ້ນສັນຍາຈາກ Muong Thanh Hospitality Group ຕໍ່ການພັດທະນາການທ່ອງທ່ຽວ Nha Trang ລວມທັງເສດຖະກິດທ້ອງຖິ່ນ. ໂຄງການນີ້ເປັນບູລິມະສິດສຳລັບພວກເຮົາສະເໝີໃນແງ່ຂອງການຂະຫຍາຍຍຸດທະສາດພາຍໃນປະເທດ,” ທ່ານ Nguyen Van Hung, ຮອງປະທານ Muong Thanh Hospitality Group ກ່າວ. 

ສຳລັບການສອບຖາມຂໍ້ມູນສື່ມວນຊົນ ຕິດຕໍ່ ທ່ານນາງ Le Thu Nguyet - ຜູ້ຈັດການ PR - ໂທ: 024 38222 333 ຕໍ່ 365

 

 

###

---