ງານບຸນວັດທະນະທຳຈຳ ຄັ້ງທີ 6 ປີ 2024 ມີກຳນົດຈັດຂຶ້ນທີ່ນະຄອນ ຟານຣາງ - ທັບຈຳ, ແຂວງນິງທ້ວນ. ພາຍໃຕ້ຫົວຂໍ້ “ການອະນຸລັກ ແລະ ສົ່ງເສີມເອກະລັກວັດທະນະທຳຂອງຊົນເຜົ່າຈຳ ໃນສະພາບການເຊື່ອມໂຍງ ແລະ ພັດທະນາຂອງຊາດ", ງານບຸນດັ່ງກ່າວຈະມີການເຂົ້າຮ່ວມຂອງ 9 ແຂວງ ແລະ ນະຄອນທົ່ວປະເທດ, ລວມມີ ນິງທ້ວນ, ບິ່ງດິ່ງ, ຟູ໋ອຽນ, ບິ່ງທ້ວນ, ອານຢາງ, ໄຕນິງ, ກວາງນາມ, ດານັງ ແລະ ນະຄອນໂຮ່ຈີມິນ. ງານດັ່ງກ່າວຈະມີກິດຈະກຳທີ່ໜ້າຕື່ນເຕັ້ນຫຼາກຫຼາຍ, ລວມມີພິທີກຳວັດທະນະທຳພື້ນເມືອງຂອງຊົນເຜົ່າຈຳ; ການນຳສະເໜີຫັດຖະກຳພື້ນເມືອງຂອງການທໍຜ້າໄໝ ແລະ ການເຮັດເຄື່ອງປັ້ນດິນເຜົາ; ການສະແດງຊຸດຊົນເຜົ່າຈຳ; ງານວາງສະແດງກ່ຽວກັບລັກສະນະວັດທະນະທຳຂອງຊາວຈຳໃນຊຸມຊົນວັດທະນະທຳຂອງຊົນເຜົ່າຫວຽດນາມ; ແລະ ງານວາງສະແດງຮູບແຕ້ມສິລະປະດີງາມກ່ຽວກັບວັດທະນະທຳຈຳ.

ນອກຈາກນັ້ນ, ຍັງຈະມີກິດຈະກຳກິລາ ແລະ ການທ່ອງທ່ຽວເຊັ່ນ: ບານເຕະ, ຊັກກະເຍື້ອ, ດັນໄມ້, ກອງປະຊຸມສຳມະນາໃນຫົວຂໍ້ "ການສົ່ງເສີມຄຸນຄ່າຂອງມໍລະດົກວັດທະນະທຳຈຳໃນການພັດທະນາການທ່ອງທ່ຽວ"