NHA TRANG, ຫວຽດນາມ (ວັນທີ 26 ມີນາ 2018) -- ໃນວັນທີ 26 ມີນາ 2018, Vinpearl Discovery Nha Trang Empire Condotel – ໂຮງແຮມໃນເມືອງແຫ່ງທຳອິດຂອງ Vingroup ໃນພາກກາງຕອນໃຕ້ ໄດ້ເປີດບໍລິການຢ່າງເປັນທາງການ ດ້ວຍຂະໜາດ 1,200 ຫ້ອງ. 

Vinpearl Discovery Nha Trang Empire Condotel ເປັນອາຄານ 40 ຊັ້ນ, ຕັ້ງຢູ່ສີ່ແຍກຖະໜົນ Le Thanh Ton ແລະ Nguyen Thien Thuat. ການປະສົມປະສານທີ່ສົມບູນແບບຂອງຣີສອດລະດັບຫ້າດາວ ກັບສະຖານທີ່ບັນເທີງແບບນິເວດທີ່ຫຼາກຫຼາຍຂອງ Vingroup – Vinpearl Discovery Nha Trang Empire Condotel ນຳສະເໜີທາງເລືອກໃໝ່ສຳລັບຜູ້ທີ່ຕ້ອງການ “ພັກຜ່ອນແບບມີສະໄຕລ໌”.

ໂດຍພື້ນຖານແລ້ວ, ແຕ່ລະຫ້ອງສວີດ ຖືກ ອອກແບບດ້ວຍເຮືອນຄົວຄົບຊຸດ, ຫ້ອງຮັບແຂກ, ຫ້ອງນອນພ້ອມອຸປະກອນຄຸນນະພາບສູງ ແລະ ລະບຽງກວ້າງຂວາງພ້ອມວິວທະເລ. ພ້ອມກັບວິວທີ່ໂດດເດັ່ນຂອງອ່າວ Nha Trang ທັງໝົດ, Vinpearl Discovery Nha Trang Empire Condotel ຍັງໃຫ້ບໍລິການລະດັບພຣີມຽມ ລວມທັງສະລອຍນ້ຳແບບອິນຟິນິຕີ້ກາງແຈ້ງ ແລະ ບາທີ່ທັນສະໄໝຢູ່ຊັ້ນ 6; ບໍລິການສະປາ ແລະ ຫ້ອງອອກກຳລັງກາຍລະດັບໂລກ; ທາງເລືອກອາຫານທີ່ຫຼາກຫຼາຍ ດ້ວຍຮ້ານອາຫານບຸບເຟ້, ຮ້ານອາຫານແບບ a-la-carte ທີ່ມີອາຫານອາຊີ, ເອີຣົບ ແລະ ຫວຽດນາມ ທີ່ປຸງແຕ່ງໂດຍພໍ່ຄົວລະດັບສູງ.

ຢູ່ຊັ້ນລຸ່ມຂອງ Vinpearl Discovery Nha Trang Empire Condotel ແມ່ນສູນທຸລະກິດ Vincom ທີ່ມີຮ້ານຄ້າຫຼາຍຮ້ອຍຮ້ານຈາກຍີ່ຫໍ້ພາຍໃນ ແລະ ຕ່າງປະເທດທີ່ໜ້າເຊື່ອຖື. ຄອນໂດເທວມີ ການເຂົ້າເຖິງໂດຍກົງກັບສະຖານທີ່ບັນເທີງຂອງ Vingroup ລວມທັງ Vinpearl Land, Vinpearl Golf, Ocean Hill Cuisines ແລະ ສູນບັນເທີງຢູ່ເກາະ Hon Tre.

Vinpearl Discovery Nha Trang Empire Condotel ເປັນສະມາຊິກທີ 18 ຂອງ Vinpearl Group, ເປັນໂຮງແຮມທຳອິດໃນຈຳນວນ 9 ໂຮງແຮມໃນເມືອງທີ່ຈະເປີດຕົວໃນປີ 2018, ເຊິ່ງເປັນການຂະຫຍາຍຮູບແບບໃໝ່ນີ້ໄປຍັງ 8 ເມືອງຄື: Nha Trang, Da Nang, Hue, Quang Binh, Thanh Hoa, Ha Nam, Lang Son ແລະ Tay Ninh.

###

---